قصيدة لبنات السعودية ردا على من استهزء بهن

السلام عليكم ورحمة الله وبركاته





إليكــم هــذه القصيـــدة

التي حصلت عليها في أحـد المنتـديـات وهـي للشـاعـرة/أم أديب

وهي ردآ على قصيدة أحد الشعراء التي كان مضمونها الإستهزاء

بالسعوديات






حنا بنات الوطـن وشمـوع ديجـوره وحنابنات الوطـن واحـلا سعوديـه
منابت المجد واصل المجد والصـورهومرابـط العـز وسبـوق النـداويـه
منابت الملح واصل الـورد وزهـوره مكاسـر العـود والنفحـه سمـاويـه
عذبات الانفاس واغلى المسك وعطوره نفحات الاشجـان والنسمـه ربيعيـه
فوح الخزاما بروضٍٍ قيـل ممطـوره قد علها مـع بكـور الوسـم وسميـه
حنا بنات الوطـن سكنـاه وخـدوره حنا بنـات الوطـن والثقـل ماريـه
ياللي تعذرب بنـا يمنـاك مكسـوره ماكـن فينـا لـك ام وبنـت ووخيـه
افكـارك السـود مشبوهـه ومبتـوره وعلومـك العـوج ملفوفـه وملـويـه
تلـف ولا تزيـد اللـف لــك دوره العلـم بالهـون والحاجـات مقضيـه
خذها على نور والرايـات منشـوره بالعـدل والميـز مكتوبـه ومقـريـه
خذها وباقـي بهـا وقفـات مذخـوره تجيك مـن فـوق وان حبيـت رديـه
بنت الوطن ياضعيف الراي مذكـوره بالخيـر والطيـب مذكـوره سنافيـه
من اول الوقـت يالمسكيـن مشهـوره بالفكر واحلـى التواصيـف النسائيـه
بنت الوطن ياقصير الشوف معمـوره بالعطـف والليـن وتزيـده بحنـيـه
ان كان بالكون قالـو عينـه وحـوره بنت الوطن من عضيم الشان حوريـه
بنت الوطن من جمال الخلق مستـوره الطبع هـادي ووقـت الجـد جديـه
ممكن تقـوم بوجـه المعتـدي ثـوره والاصـل تكوينهـا ثابـت حيـاويـه
شيهانة اللحض بنت الريـح منثـوره ملمومة الخصر بنـت الذيـب ريميـه
يعنـي حجازيـة العينيـن مخبـوره نجديـة الخصـر واللمحـه خليجيـه
ريحانة الفل بـاارض الفـل مبـذوره يعني عسير وعبير احلـى عسيريـه
وقـادة الحـس بالاشـواق دكـتـوه يضيق صدر الزمـن تبقـى شماليـه
تكتب حروف الوفا وتسـن دستـوره بحروفها اخلاص وان حبـت هواويـه
يعني هو الجو مـع بيـداك وبحـوره من راسهـا للقـدم بالزيـن مكسيـه
سمعت ياللي حسبتـه لعبـت الكـوره بعـض السواليـف لاسقتـه عماويـه
لاضيع الدرب مثلك واخلف اشعـوره ندلـه الـدرب والاعـمـال بالنـيـه
ياخـاوي الفكـر والعـدلات مقبـوره في صدرك اللي لبس بلـواه صدريـه
مغرور مغرور مثلك نـاس مغـروره بمركـب النفـس والاوهـام مبنـيـه
منـاديٍٍ للخطـا ملـفـاه وطـيـوره الفكـر خيـال والسـاحـه خيالـيـه
من الحماقه لبسـك الكبـر وشـروره والحمق رمح الردي وحـدود هنديـه
تسكن زواياك والطرقـات مهجـوره ياغراب خل الحمام انسـى خطاويـه
لو تفرد الريش يالطـاؤؤس معثـوره عواقـب الكبـر يالمغـرور سلبـيـه
ياسيد الغطرسـه ياقاصـر اشبـوره ياعاشق الذات عشـق الـذات نفسيـه
سمعت رد الاصيله وافهـم اسطـوره بسيط مـن سـاب والاوزان شعبيـه
واسلك طريق الهدايه واحفظ السـوره السوره اللـي علـى معنـى ومكيـه
وان كان نفسك على الشينات مجبـوره والنـار ياميـت النيـران مطفـيـه
اجيك انا بنـت هالديـره وماجـوره وتشوف بنت الوطن الجمـره الحيـه
اجيك وتشوف بنت السبـع مسعـوره وآخرك معروف والدعـوى طبيعيـه
الوقت معروف فـي زنـات دبـوره يخرب العـش وهـو العـش راعيـه
ماهي بشربه من الغـوري وشابـوره بعض الحكاوي وفيها حـدود محميـه
خذها وانا اقـول لارديـت مشكـوره من واجبي لادفعـت الشـر والسيـه
بااول خطوط الدفـاع وراس طابـوره اصــد وارد والـصـده هجومـيـه
خذها وانا بنت قوم المجد واحضـوره مني وانا وانا من بنات الـدار نجديـه
من نجد ماجيت انا المغرب وناطـوره وماجيت حد اليمن ماكنـت مصريـه
خذها وانا مااعرف الحمرا ولا اشتوره ولا جيت عمان ولا ان كنـت شاميـه
ولاني بمن باب ذا النهريـن واشـوره ولا بعد من بنـات الشـرق شرقيـه
خذها وانا من عضيم الشان منصـورهم ن نجد مااقول انـا شقـرا وغربيـه
اعيـد العيـد مااعوشـر بعـاشـوره الديـن الاسـلام والمنهـاج سنـيـه
خذها ونفسي على المسفـار مامـوره والنفـس معـروف مامـوره ومنهيـه
ماقلتها من غضب بالوقـت مقهـوره على الملا وان بغيـت السلـم سلميـه
خذها وانا بنت روس الطيب وصقوره الجـد قحطـان والمنشـاء قصيميـه